ਮੁਹੰਮਦ ਸ਼ਾਮੀ ਨੇ ਆਖੀ ਵੱਡੀ ਗੱਲ

‘ਮੁਹੰਮਦ ਸ਼ਮੀ’ ਵਿਸ਼ਵ ਕੱਪ 2023 ‘ਚ ਭਾਰਤ ਦੀ ਉਮੀਦ ਦਾ ਦੂਜਾ ਨਾਂ ਬਣ ਗਿਆ ਹੈ। ਕ੍ਰਿਕਟ ਇਕ ਟੀਮ ਗੇਮ ਹੈ ਪਰ ਇਸ ਸਮੇਂ ਮੁਹੰਮਦ ਸ਼ਮੀ ਨੇ ਇਕੱਲੇ ਹੀ ਟੀਮ ਇੰਡੀਆ ਦੇ ਗੇਂਦਬਾਜ਼ੀ ਡਿਪਾਰਟਮੈਂਟ ਦਾ ਬੋਝ ਆਪਣੇ ਮੋਢਿਆਂ ‘ਤੇ ਲਿਆ ਹੈ ਤੇ ਟੀਮ ਇੰਡੀਆ ਨੂੰ ਫਾਈਨਲ ਵੱਲ ਲਿਜਾ ਰਹੇ ਹਨ। ਸ਼ਮੀ ਵਿਕਟ ਲੈਣ ਤੋਂ ਬਾਅਦ ਹੱਸਦਾ ਹੈ ਜ਼ਮੀਨ ‘ਤੇ ਡਿੱਗਦਾ ਹੈ ਪਰ ਭਾਰਤ ਨੂੰ ਕਦੇ ਨਿਰਾਸ਼ ਨਹੀਂ ਕਰਦਾ।

ਹਮੇਸ਼ਾ ਚਿਹਰੇ ‘ਤੇ ਕੋਮਲ ਮੁਸਕਰਾਹਟ ਰੱਖਣ ਵਾਲੇ ਮੁਹੰਮਦ ਸ਼ਮੀ ਦੀ ਜ਼ਿੰਦਗੀ ਕਿਸੇ ਦੁਖਦਾਈ ਫਿਲਮ ਤੋਂ ਘੱਟ ਨਹੀਂ ਰਹੀ। ਇਸ ਤੇਜ਼ ਗੇਂਦਬਾਜ਼ ਦੀ ਜ਼ਿੰਦਗੀ ਬਾਰੇ ਸ਼ਾਇਦ ਬਹੁਤ ਘੱਟ ਲੋਕ ਜਾਣਦੇ ਹਨ ਜਿਸ ਨੇ ਆਪਣੇ ਆਪ ਨੂੰ ਤਿੰਨ ਵਾਰ ਤਬਾਹ ਕਰਨ ਦਾ ਵਿਚਾਰ ਪਾਲਿਆ ਸੀ। ਹਰ ਖਿਡਾਰੀ ਬੁਰੇ ਦੌਰ ‘ਚੋਂ ਗੁਜ਼ਰਦਾ ਹੈ ਪਰ ਸ਼ਮੀ ਦੀ ਜ਼ਿੰਦਗੀ ‘ਚ ਅਜਿਹਾ ਸਮਾਂ ਵੀ ਆਇਆ ਜਦੋਂ ਨਾ ਤਾਂ ਉਨ੍ਹਾਂ ਦਾ ਕ੍ਰਿਕਟ ਕਰੀਅਰ ਠੀਕ ਚੱਲ ਰਿਹਾ ਸੀ ਅਤੇ ਨਾ ਹੀ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ।

ਹਾਲ ਹੀ ‘ਚ ਸਾਲ 2018 ‘ਚ ਮੁਹੰਮਦ ਸ਼ਮੀ ਦੀ ਪਤਨੀ ਹਸੀਨ ਜਹਾਂ ਨੇ ਉਨ੍ਹਾਂ ‘ਤੇ ਘਰੇਲੂ ਹਿੰਸਾ, ਕੁੱਟਮਾਰ, ਮੈਚ ਫਿਕਸਿੰਗ ਸਮੇਤ ਕਈ ਗੰਭੀਰ ਦੋਸ਼ ਲਗਾਏ ਸਨ ਮਾਮਲਾ ਅਦਾਲਤ ਤੱਕ ਪਹੁੰਚ ਗਿਆ। ਇਨ੍ਹਾਂ ਵਿਵਾਦਾਂ ਦੇ ਵਿਚਕਾਰ ਵੀ ਸ਼ਮੀ ਨੇ ਆਪਣਾ ਪੂਰਾ ਧਿਆਨ ਕ੍ਰਿਕਟ ‘ਤੇ ਰੱਖਿਆ।

https://punjabiinworld.com/wp-admin/options-general.php?page=ad-inserter.php#tab-4

ਰੋਹਿਤ ਨਾਲ ਸਾਂਝਾ ਕੀਤੀ ਦਿਲ ਦੀ ਗੱਲ–ਮੀਡੀਆ ਤੋਂ ਅਕਸਰ ਦੂਰ ਰਹਿਣ ਵਾਲੇ ਸ਼ਮੀ ਨੇ ਸਾਲ 2020 ‘ਚ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨਾਲ ਇੰਸਟਾਗ੍ਰਾਮ ਲਾਈਵ ਦੌਰਾਨ ਦੁਨੀਆ ਨਾਲ ਆਪਣੇ ਦਿਲ ਦੀਆਂ ਗੱਲਾਂ ਸਾਂਝੀਆਂ ਕੀਤੀਆਂ। ਉਸ ਨੇ ਕਿਹਾ, ”ਮੈਂ 2015 ਵਿਸ਼ਵ ਕੱਪ ‘ਚ ਜ਼ਖਮੀ ਹੋ ਗਿਆ ਸੀ। ਇਸ ਤੋਂ ਬਾਅਦ ਮੈਨੂੰ ਟੀਮ ‘ਚ ਵਾਪਸੀ ਕਰਨ ਲਈ ਸਖ਼ਤ ਮਿਹਨਤ ਕਰਨੀ ਪਈ।

ਉਸ ਨੇ ਰੋਹਿਤ ਨੂੰ ਕਿਹਾ ਕਿ ਤੁਹਾਨੂੰ ਪਤਾ ਹੈ ਕਿ ਰਿਹੈਬ ‘ਚ ਕਿੰਨਾ ਸਮਾਂ ਲੱਗਦਾ ਹੈ। ਇਸ ਨਾਲ ਹੀ ਮੈਂ ਪਰਿਵਾਰਕ ਸਮੱਸਿਆਵਾਂ ਵਿੱਚੋਂ ਵੀ ਗੁਜ਼ਰ ਰਿਹਾ ਸੀ। ਇਸ ਦੌਰਾਨ IPL ਤੋਂ 10-12 ਦਿਨ ਪਹਿਲਾਂ ਮੇਰਾ ਐਕਸੀਡੈਂਟ ਹੋ ਗਿਆ ਸੀ। ਮੀਡੀਆ ਵਿੱਚ ਮੇਰੇ ਨਿੱਜੀ ਮਾਮਲਿਆਂ ਦੀ ਚਰਚਾ ਹੋਣ ਲੱਗੀ।

ਮੈਂ ਤਿੰਨ ਵਾਰ ਖੁਦਕੁਸ਼ੀ ਕਰਨ ਬਾਰੇ ਸੋਚਿਆ: ਮੁਹੰਮਦ ਸ਼ਮੀ—ਸ਼ਮੀ ਨੇ ਰੋਹਿਤ ਨੂੰ ਕਿਹਾ ਮੈਨੂੰ ਲੱਗਦਾ ਹੈ ਕਿ ਜੇਕਰ ਮੈਨੂੰ ਪਰਿਵਾਰ ਦਾ ਸਾਥ ਨਾ ਮਿਲਦਾ ਤਾਂ ਮੈਂ ਕ੍ਰਿਕਟ ਛੱਡ ਦਿੰਦਾ। ਮੈਂ ਤਿੰਨ ਵਾਰ ਖੁਦਕੁਸ਼ੀ ਕਰਨ ਬਾਰੇ ਸੋਚਿਆ। ਮੈਂ ਇੰਨਾ ਟੁੱਟ ਗਿਆ ਸੀ ਕਿ ਮੇਰਾ ਪਰਿਵਾਰ ਬਹੁਤ ਚਿੰਤਤ ਹੋ ਗਿਆ ਸੀ। ਮੇਰਾ ਘਰ 24ਵੀਂ ਮੰਜ਼ਿਲ ‘ਤੇ ਸੀ ਅਤੇ ਮੇਰੇ ਪਰਿਵਾਰਕ ਮੈਂਬਰਾਂ ਨੂੰ ਡਰ ਸੀ ਕਿ ਸ਼ਾਇਦ ਮੈਂ ਅਪਾਰਟਮੈਂਟ ਤੋਂ ਛਾਲ ਮਾਰ ਕੇ ਖੁਦਕੁਸ਼ੀ ਨਾ ਕਰ ਲਵਾਂ ਇਸ ਲਈ ਪਰਿਵਾਰ ਦੇ ਕੁਝ ਮੈਂਬਰਾਂ ਨੇ ਮੇਰੇ ‘ਤੇ ਨਜ਼ਰ ਰੱਖੀ।

ਮੇਰਾ ਪਰਿਵਾਰ ਮੇਰੀ ਤਾਕਤ: ਮੁਹੰਮਦ ਸ਼ਮੀ—-ਸ਼ਮੀ ਨੇ ਕਿਹਾ ਕਿ ਮੇਰੇ ਪਰਿਵਾਰ ਨੇ ਮੈਨੂੰ ਬਹੁਤ ਸਪੋਰਟ ਕੀਤਾ। ਮੇਰਾ ਪਰਿਵਾਰ ਹੀ ਮੇਰੀ ਤਾਕਤ ਹੈ। ਉਹ ਮੇਰੀਆਂ ਸਾਰੀਆਂ ਸਮੱਸਿਆਵਾਂ ਦਾ ਹੱਲ ਹੈ। ਉਹ ਮੈਨੂੰ ਕਹਿੰਦੇ ਸਨ ਕਿ ਤੂੰ ਬਸ ਆਪਣੀ ਖੇਡ ‘ਤੇ ਧਿਆਨ ਦੇ।ਸ਼ਮੀ ਨੇ ਕਿਹਾ, ਜਦੋਂ ਮੈਂ ਅਭਿਆਸ ਕਰਦਾ ਸੀ ਤਾਂ ਮੈਂ ਬਹੁਤ ਦੁਖੀ ਹੁੰਦਾ ਸੀ। ਮੇਰਾ ਭਰਾ, ਮੇਰਾ ਪਰਿਵਾਰ ਮੈਨੂੰ ਕਹਿੰਦਾ ਸੀ ਕਿ ਤੂੰ ਸਿਰਫ਼ ਖੇਡ ‘ਤੇ ਧਿਆਨ ਦੇ। ਮੇਰੇ ਬਹੁਤ ਸਾਰੇ ਚੰਗੇ ਦੋਸਤਾਂ ਨੇ ਔਖੇ ਸਮੇਂ ਵਿੱਚ ਮੇਰਾ ਸਾਥ ਦਿੱਤਾ। ਜੇ ਉਹ ਉੱਥੇ ਨਾ ਹੁੰਦੇ ਤਾਂ ਮੈਂ ਸ਼ਾਇਦ ਕੁਝ ਗ਼ਲਤ ਕਰ ਬੈਠਦਾ।

ਵਿਸ਼ਵ ਕੱਪ ‘ਚ ਸ਼ਮੀ ਦਾ ਸ਼ਾਨਦਾਰ ਸਫ਼ਰ—ਅੱਜ ਭਾਰਤ ਸ਼ਮੀ ਨੂੰ ਸਲਾਮ ਕਰ ਰਿਹਾ ਹੈ ਜਿਸ ਨੇ ਨਿਊਜ਼ੀਲੈਂਡ ਖ਼ਿਲਾਫ਼ ਸੈਮੀਫਾਈਨਲ ਮੈਚ ‘ਚ ਸੱਤ ਵਿਕਟਾਂ ਲਈਆਂ ਸਨ। ਆਈਸੀਸੀ ਵਿਸ਼ਵ ਕੱਪ ਦੇ ਇਤਿਹਾਸ ਵਿੱਚ ਭਾਰਤ ਲਈ ਸਭ ਤੋਂ ਸ਼ਾਨਦਾਰ ਗੇਂਦਬਾਜ਼ੀ ਕਰਨ ਵਾਲੇ ਮੁਹੰਮਦ ਸ਼ਮੀ ਦੀ ਹਰ ਪਾਸੇ ਚਰਚਾ ਹੋ ਰਹੀ ਹੈ। ਨਿਊਜ਼ੀਲੈਂਡ ਦੇ ਖ਼ਿਲਾਫ਼ ਮੁਹੰਮਦ ਸ਼ਮੀ ਨੇ 9.5 ਓਵਰਾਂ ‘ਚ ਸਿਰਫ 57 ਦੌੜਾਂ ਦੇ ਕੇ ਸੱਤ ਵਿਕਟਾਂ ਲਈਆਂ। ਇਸ ਨਾਲ ਹੀ ਫਾਈਨਲ ਮੈਚ ਤੋਂ ਪਹਿਲਾਂ ਸ਼ਮੀ ਇਸ ਟੂਰਨਾਮੈਂਟ ‘ਚ ਹੁਣ ਤੱਕ 24ਵਿਕਟਾਂ ਲੈ ਚੁੱਕੇ ਹਨ।