ਅਰਸ਼ਦੀਪ ਸਿੰਘ ਨੇ ਬਣਾਇਆ ਰਿਕਾਰਡ

ਭਾਰਤੀ ਟੀਮ ਵਿੱਚ ਇਰਫਾਨ ਪਠਾਨ ਅਤੇ ਜ਼ਹੀਰ ਖਾਨ ਤੋਂ ਬਾਅਦ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਦੀ ਕਮੀ ਸੀ। ਅਜਿਹਾ ਗੇਂਦਬਾਜ਼ ਜੋ ਸਵਿੰਗ ਕਰਦਾ ਹੋਵੇ ਅਤੇ ਸ਼ੁਰੂਆਤ ‘ਚ ਟੀਮ ਨੂੰ ਵਿਕਟਾਂ ਦਿਵਾ ਸਕਦਾ ਹੈ। ਹੁਣ ਇਹ ਕਮੀ ਪੂਰੀ ਹੁੰਦੀ ਨਜ਼ਰ ਆ ਰਹੀ ਹੈ। ਪੰਜਾਬ ਦੇ ਨੌਜਵਾਨ ਤੇਜ਼ ਗੇਂਦਬਾਜ਼ ਅਰਸ਼ਦੀਪ ਸਿੰਘ ਨੇ ਇਸ ਦੀ ਉਮੀਦ ਜਗਾਈ ਹੈ। ਅਰਸ਼ਦੀਪ ਲਗਾਤਾਰ ਸ਼ਾਨਦਾਰ ਖੇਡ ਦਿਖਾ ਰਿਹਾ ਹੈ। ਆਈਸੀਸੀ ਟੀ-20 ਵਿਸ਼ਵ ਕੱਪ-2022 ‘ਚ ਅਰਸ਼ਦੀਪ ਨੇ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕਰਦੇ ਹੋਏ 10 ਵਿਕਟਾਂ ਝਟਕਾਈਆਂ ਸਨ। ਨਿਊਜ਼ੀਲੈਂਡ ਦੌਰੇ ‘ਤੇ ਵੀ ਅਰਸ਼ਦੀਪ ਇਹ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਹੈ।

ਅਰਸ਼ਦੀਪ ਸਿੰਘ ਨੇ ਮੰਗਲਵਾਰ ਨੂੰ ਨਿਊਜ਼ੀਲੈਂਡ ਖਿਲਾਫ ਖੇਡੇ ਜਾ ਰਹੇ ਤੀਜੇ ਟੀ-20 ਮੈਚ ‘ਚ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ ਹੈ। ਅਰਸ਼ਦੀਪ ਨੇ ਪਹਿਲਾਂ ਬੱਲੇਬਾਜ਼ੀ ਕਰਨ ਆਏ ਨਿਊਜ਼ੀਲੈਂਡ ਦੇ ਬੱਲੇਬਾਜ਼ਾਂ ਨੂੰ ਕਾਫੀ ਤੰਗ ਕੀਤਾ। ਨਿਊਜ਼ੀਲੈਂਡ ਦੀ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 160 ਦੌੜਾਂ ਹੀ ਬਣਾ ਸਕੀ ਅਤੇ ਅਰਸ਼ਦੀਪ ਨੇ ਇਸ ਸਕੋਰ ਤੱਕ ਉਸ ਨੂੰ ਰੋਕਣ ਵਿੱਚ ਅਹਿਮ ਭੂਮਿਕਾ ਨਿਭਾਈ। ਅਰਸ਼ਦੀਪ ਨੇ ਇਸ ਮੈਚ ਵਿੱਚ ਚਾਰ ਓਵਰਾਂ ਵਿੱਚ ਆਪਣੇ ਕੋਟੇ ਵਿੱਚ 37 ਦੌੜਾਂ ਦਿੱਤੀਆਂ ਅਤੇ ਚਾਰ ਵਿਕਟਾਂ ਲੈਣ ਵਿੱਚ ਸਫਲ ਰਿਹਾ।

ਅਰਸ਼ਦੀਪ ਨੇ ਦੂਜੇ ਓਵਰ ਦੀ ਤੀਜੀ ਗੇਂਦ ‘ਤੇ ਭਾਰਤ ਨੂੰ ਵੱਡੀ ਸਫਲਤਾ ਦਿਵਾਈ ਸੀ। ਉਸ ਨੇ ਨਿਊਜ਼ੀਲੈਂਡ ਦੇ ਤੂਫਾਨੀ ਬੱਲੇਬਾਜ਼ ਫਿਨ ਐਲਨ ਨੂੰ ਐੱਲ.ਬੀ.ਡਬਲਿਊ ਕੀਤਾ ਸੀ। ਸ਼ੁਰੂਆਤ ਵਿੱਚ ਅਰਸ਼ਦੀਪ ਨੇ ਵਿਕਟਾਂ ਲੈਣ ਦਾ ਕੰਮ ਕੀਤਾ ਸੀ। ਫਿਰ ਉਸ ਨੇ ਆਖਰੀ ਓਵਰਾਂ ਵਿੱਚ ਨਿਊਜ਼ੀਲੈਂਡ ਦੀ ਟੀਮ ਦੀਆਂ ਤਿੰਨ ਵਿਕਟਾਂ ਲਈਆਂ ਅਤੇ ਉਨ੍ਹਾਂ ਨੂੰ ਵੱਡੇ ਸਕੋਰ ਤੱਕ ਨਹੀਂ ਪਹੁੰਚਣ ਦਿੱਤਾ। ਵਾਪਸੀ ਕਰਦੇ ਹੋਏ ਉਸ ਨੇ 17ਵੇਂ ਓਵਰ ਦੀ ਚੌਥੀ ਗੇਂਦ ‘ਤੇ ਡੇਵੋਨ ਕੋਨਵੇ ਨੂੰ ਪੈਵੇਲੀਅਨ ਭੇਜਿਆ। ਕੋਨਵੇ ਨੇ 49 ਗੇਂਦਾਂ ਵਿੱਚ 59 ਦੌੜਾਂ ਦੀ ਪਾਰੀ ਖੇਡੀ ਸੀ। ਅਰਸ਼ਦੀਪ ਨੇ ਡੇਰਿਲ ਮਿਸ਼ੇਲ ਨੂੰ ਵੀ ਪਵੇਲੀਅਨ ਭੇਜਿਆ। ਇਸ ਤੋਂ ਬਾਅਦ ਉਸ ਨੇ ਈਸ਼ ਸੋਢੀ ਨੂੰ ਖਾਤਾ ਵੀ ਨਹੀਂ ਖੋਲ੍ਹਣ ਦਿੱਤਾ।ਇਹ ਵਿਕਟਾਂ ਲਗਾਤਾਰ ਦੋ ਗੇਂਦਾਂ ‘ਤੇ ਡਿੱਗੀਆਂ। ਇਸ ਤੋਂ ਬਾਅਦ ਅਰਸ਼ਦੀਪ ਹੈਟ੍ਰਿਕ ‘ਤੇ ਸੀ ਪਰ ਉਹ ਹੈਟ੍ਰਿਕ ਤਾਂ ਨਹੀਂ ਲੈ ਸਕਿਆ, ਹਾਲਾਂਕਿ ਐਡਮ ਮਿਲਨ ਦੇ ਰਨ ਆਊਟ ਹੋਣ ਨਾਲ ਟੀਮ ਦੀ ਹੈਟ੍ਰਿਕ ਪੂਰੀ ਹੋ ਗਈ।

https://punjabiinworld.com/wp-admin/options-general.php?page=ad-inserter.php#tab-4

ਇਸ ਮੈਚ ਤੋਂ ਬਾਅਦ ਅਰਸ਼ਦੀਪ ਨੇ ਇੱਕ ਖਾਸ ਪ੍ਰਾਪਤੀ ਆਪਣੇ ਖਾਤੇ ਵਿੱਚ ਪਾ ਲਈ ਹੈ। ਅਰਸ਼ਦੀਪ ਭਾਰਤ ਲਈ ਇੱਕ ਸਾਲ ਵਿੱਚ ਟੀ-20 ਅੰਤਰਰਾਸ਼ਟਰੀ ਵਿੱਚ ਸਭ ਤੋਂ ਵਧੀਆ ਸਟ੍ਰਾਈਕ ਰੇਟ ਵਾਲਾ ਗੇਂਦਬਾਜ਼ ਬਣ ਗਿਆ ਹੈ। 2022 ਵਿੱਚ ਅਰਸ਼ਦੀਪ ਦਾ ਸਟ੍ਰਾਈਕ ਰੇਟ 13.3 ਸੀ। ਦੂਜੇ ਨੰਬਰ ‘ਤੇ ਰਵੀਚੰਦਰਨ ਅਸ਼ਵਿਨ ਹਨ, ਜਿਨ੍ਹਾਂ ਦਾ 2016 ‘ਚ ਸਟ੍ਰਾਈਕ ਰੇਟ 15.3 ਸੀ। ਭੁਵਨੇਸ਼ਵਰ ਦਾ ਇਸ ਸਾਲ ਸਟ੍ਰਾਈਕ ਰੇਟ 16.8 ਹੈ ਅਤੇ ਉਹ ਤੀਜੇ ਨੰਬਰ ‘ਤੇ ਹੈ। ਜਸਪ੍ਰੀਤ ਬੁਮਰਾਹ ਇਸ ਮਾਮਲੇ ‘ਚ ਚੌਥੇ ਨੰਬਰ ‘ਤੇ ਹਨ। 2016 ਵਿੱਚ ਉਸਦਾ ਸਟ੍ਰਾਈਕ ਰੇਟ 17.0 ਸੀ। ਉਸ ਤੋਂ ਬਾਅਦ ਯੁਜਵੇਂਦਰ ਚਾਹਲ ਹਨ। ਇਸ ਲੈੱਗ ਸਪਿਨਰ ਦੀ ਸਟ੍ਰਾਈਕ ਰੇਟ 2018 ਵਿੱਚ 17.3 ਸੀ।

ਇਸ ਗੇਂਦਬਾਜ਼ ਨੇ ਟੀ-20 ਵਿਸ਼ਵ ਕੱਪ ‘ਚ ਵੀ ਕਮਾਲ ਕੀਤਾ ਸੀ ਅਤੇ ਉਹ ਭਾਰਤ ਲਈ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲਾ ਗੇਂਦਬਾਜ਼ ਬਣਿਆ ਸੀ। ਅਰਸ਼ਦੀਪ ਨੇ ਛੇ ਪਾਰੀਆਂ ਵਿੱਚ 10 ਵਿਕਟਾਂ ਲਈਆਂ ਸਨ। ਪਾਕਿਸਤਾਨ ਖਿਲਾਫ ਖੇਡੇ ਗਏ ਮੈਚ ‘ਚ ਅਰਸ਼ਦੀਪ ਨੇ ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ ਅਤੇ ਮੁਹੰਮਦ ਰਿਜ਼ਵਾਨ ਨੂੰ ਜਲਦੀ ਪਵੇਲੀਅਨ ਭੇਜ ਕੇ ਭਾਰਤ ਨੂੰ ਜਿਤਾਉਣ ‘ਚ ਅਹਿਮ ਭੂਮਿਕਾ ਨਿਭਾਈ ਸੀ।