ਜਾਣੋ ਦੇਸ਼ ਦੇ 3 ਭਰੋਸੇਯੋਗ ਬੈਂਕ

ਕੁਝ ਸਮਾਂ ਪਹਿਲਾਂ ਬੈਂਕਾਂ ਦੇ ਡਿਫਾਲਟਰ ਹੋਣ ਅਤੇ ਰੁਪਏ ਡੁੱਬਣ ਦੀਆਂ ਖਬਰਾਂ ਆਈਆਂ ਸੀ।ਲੋਕਾਂ ਨੂੰ ਹੁਣ ਇਹ ਵੈਅ ਵੀ ਸਤਾਉਣ ਲੱਗ ਹੈ ਕਿ ਪੈਸੇ ਰੱਖਣ ਤੇ ਰੱਖਣ ਕਿੱਥੇ।ਉਹ ਇਹ ਵੀ ਸੋਚਦੇ ਹਨ ਕਿ ਕਿਤੇ ਬੈਂਕ ਵਿੱਚ ਰੱਖੇ ਪੈਸੇ ਡੁੱਬ ਨਾ ਜਾਣ। ਇਸ ਕਾਰਨ, ਲੋਕਾਂ ਨੇ ਜਾਂ ਤਾਂ ਵਧੇਰੇ ਰਕਮ ਦਾ ਨਿਵੇਸ਼ ਕੀਤਾ ਹੈ ਜਾਂ ਘਰ ਵਿਚ ਹੀ ਪੈਸਾ ਰੱਖਣਾ ਹੁਣ ਸਹੀ ਮੰਨਦੇ ਹਨ। ਪਰ ਰਿਜ਼ਰਵ ਬੈਂਕ ਆਫ਼ ਇੰਡੀਆ ਨੇ ਤਿੰਨ ਬੈਂਕਾਂ ਦੇ ਨਾਂ ਦਿੱਤੇ ਹਨ ਜੋ ਕਿ ਸਭ ਤੋਂ ਸੁਰੱਖਿਅਤ ਹਨ। ਰਿਜ਼ਰਵ ਬੈਂਕ ਆਫ ਇੰਡੀਆ ਵਲੋਂ ਜ਼ਿਕਰ ਕੀਤੇ ਤਿੰਨ ਵੱਡੇ ਬੈਂਕ ਹਨ ਸਟੇਟ ਬੈਂਕ ਆਫ਼ ਇੰਡੀਆ (SBI), ਆਈਸੀਆਈਸੀਆਈ ਬੈਂਕ (ICICI Bank) ਅਤੇ ਐਚਡੀਐਫਸੀ ਬੈਂਕ (HDFC Bank)। ਜੇ ਇਨ੍ਹਾਂ ਤਿੰਨ ਬੈਂਕਾਂ ਵਿਚੋਂ ਕਿਸੇ ਵਿਚ ਵੀ ਤੁਹਾਡਾ ਖਾਤਾ ਹੈ, ਤਾਂ ਤੁਹਾਡਾ ਪੈਸਾ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ।ਰਿਜ਼ਰਵ ਬੈਂਕ ਨੇ ਕਿਹਾ ਹੈ ਕਿ ਜਨਤਕ ਖੇਤਰ ਦੇ ਸਟੇਟ ਬੈਂਕ ਆਫ਼ ਇੰਡੀਆ (ਐਸਬੀਆਈ), ਨਿੱਜੀ ਖੇਤਰ ਦਾ ਐਚਡੀਐਫਸੀ ਬੈਂਕ ਅਤੇ ਆਈ ਸੀ ਆਈ ਸੀ ਆਈ ਬੈਂਕ ਘਰੇਲੂ ਪ੍ਰਣਾਲੀ ਅਨੁਸਾਰ ਮਹੱਤਵਪੂਰਨ ਬੈਂਕ (ਡੀ-ਐਸਆਈਬੀ) ਜਾਂ ਸੰਸਥਾਵਾਂ ਹਨ ਅਤੇ ਇੰਨੇ ਵਿਸ਼ਾਲ ਹਨ ਕਿ ਉਨ੍ਹਾਂ ਨੂੰ ਅਸਫਲ ਹੋਣ ਦੀ ਆਗਿਆ ਨਹੀਂ ਦਿੱਤੀ ਜਾ ਸਕਦੀ। SIB ਦੇ ਦਾਇਰੇ ਵਿੱਚ ਆਉਣ ਵਾਲੀਆਂ ਬੈਂਕਾਂ ਦੀ ਉੱਚ ਪੱਧਰੀ ਨਿਗਰਾਨੀ ਅਤੇ ਬਰਾਬਰ ਨਜ਼ਰ ਰੱਖੀ ਜਾਂਦੀ ਹੈ ਤਾਂ ਜੋ ਇਨ੍ਹਾਂ ਬੈਂਕਾਂ ਦਾ ਕੰਮਕਾਜ ਬਰਕਰਾਰ ਰੱਖਿਆ ਜਾ ਸਕੇ ਅਤੇ ਵਿੱਤੀ ਸੇਵਾਵਾਂ ਵਿਚ ਕਿਸੇ ਕਿਸਮ ਦੀ ਗੜ ਬੜੀ ਨੂੰ ਰੋਕਿਆ ਜਾ ਸਕੇ।ਰਿਜ਼ਰਵ ਬੈਂਕ ਨੇ ਜੁਲਾਈ 2014 ਵਿੱਚ ਸਿਸਟਮਿਕ ਤੌਰ ਤੇ ਮਹੱਤਵਪੂਰਨ ਬੈਂਕਾਂ ਦੇ ਸੰਬੰਧ ਵਿੱਚ ਸਿਸਟਮ ਜਾਰੀ ਕੀਤਾ ਸੀ।D-SIB ਦੇ ਦਾਇਰੇ ਵਿੱਚ ਆਉਣ ਵਾਲੇ ਬੈਂਕਾਂ ਦੇ ਨਾਮ ਦਾ ਜ਼ਿਕਰ ਕਰਨਾ ਪੈਂਦਾ ਹੈ।ਇਹ ਪ੍ਰਣਾਲੀ 2015 ਤੋਂ ਚੱਲ ਰਹੀ ਹੈ ਅਤੇ ਇਹ ਬੈਂਕਾਂ ਉਨ੍ਹਾਂ ਦੇ ਸਿਸਟਮ ਵਿਚ ਮਹੱਤਵ ਦੇ ਅਧਾਰ ਤੇ ਢੁਕਵੇਂ ਨਿਯਮਾਂ ਦੇ ਦਾਇਰੇ ਵਿਚ ਰੱਖੀਆਂ ਜਾਂਦੀਆਂ ਹਨ। ਰਿਜ਼ਰਵ ਬੈਂਕ ਨੇ ਇੱਕ ਬਿਆਨ ਵਿੱਚ ਕਿਹਾ, “ਐਸਬੀਆਈ, ਆਈਸੀਆਈਸੀ ਬੈਂਕ ਅਤੇ ਐਚਡੀਐਫਸੀ ਬੈਂਕ ਘਰੇਲੂ ਪ੍ਰਣਾਲੀ ਵਿੱਚ ਮਹੱਤਵਪੂਰਨ ਬੈਂਕਾਂ ਵਜੋਂ ਮਾਨਤਾ ਪ੍ਰਾਪਤ ਕਰਦੇ ਰਹਿਣਗੇ।”