Punjabi In World Punjabi In World is a Web News Channel about Punjab and Punjabis residing in the different parts of the world. It covers news about People of Punjab, Politics, Sikh Religion, Village Sports, Punjabi Entertainment and International affairs that interest Punjabi.
ਅੱਜ ਯਾਨੀ 26 ਦਸੰਬਰ ਨੂੰ ਕਾਰੋਬਾਰੀ ਹਫਤੇ ਦੇ ਪਹਿਲੇ ਦਿਨ ਵਾਇਦਾ ਬਾਜ਼ਾਰ ‘ਚ ਸੋਨਾ ਸਸਤਾ ਹੋ ਗਿਆ। ਇਸ ਦੇ ਨਾਲ ਦੱਸਣਯੋਗ ਇਹ ਵੀ ਹੈ ਕਿ ਅੱਜ ਚਾਂਦੀ ਦੇ ਰੇਟ ‘ਚ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਸੋਮਵਾਰ 25 ਦਸੰਬਰ ਨੂੰ ਮਲਟੀ ਕਮੋਡਿਟੀ ਐਕਸਚੇਂਜ (MCX) ‘ਤੇ ਸੋਨੇ ਦੀ ਕੀਮਤ 0.10 ਫੀਸਦੀ ਡਿੱਗ ਕੇ 54,520 ਰੁਪਏ ‘ਤੇ ਆ ਗਈ। ਚਾਂਦੀ ਦੀ ਕੀਮਤ ਅੱਜ ਹਰੇ ਨਿਸ਼ਾਨ ‘ਤੇ ਕਾਰੋਬਾਰ ਕਰ ਰਹੀ ਹੈ ਅਤੇ 0.07 ਫੀਸਦੀ ਦੇ ਵਾਧੇ ਨਾਲ 69,000 ਰੁਪਏ ਦੇ ਉੱਪਰ ਕਾਰੋਬਾਰ ਕਰ ਰਹੀ ਹੈ। ਪਿਛਲੇ ਕਾਰੋਬਾਰੀ ਸੈਸ਼ਨ ‘ਚ MCX ‘ਤੇ ਸੋਨੇ ਦੀ ਕੀਮਤ 0.07 ਫੀਸਦੀ ਅਤੇ ਚਾਂਦੀ ਦੀ ਕੀਮਤ 0.73 ਫੀਸਦੀ ਦੇ ਵਾਧੇ ਨਾਲ ਬੰਦ ਹੋਈ।
ਸੋਮਵਾਰ ਨੂੰ ਵਾਇਦਾ ਬਾਜ਼ਾਰ ਵਿੱਚ 24 ਕੈਰੇਟ ਸ਼ੁੱਧਤਾ ਵਾਲੇ ਸੋਨੇ ਦੀ ਕੀਮਤ ਕੱਲ੍ਹ ਦੇ ਬੰਦ ਮੁੱਲ ਤੋਂ ਸਵੇਰੇ 9:30 ਵਜੇ ਤੱਕ 54 ਰੁਪਏ ਡਿੱਗ ਕੇ 54,520 ਰੁਪਏ ਪ੍ਰਤੀ 10 ਗ੍ਰਾਮ ‘ਤੇ ਕਾਰੋਬਾਰ ਕਰ ਰਹੀ ਸੀ। ਅੱਜ ਸੋਨੇ ਦੀ ਕੀਮਤ 55, 525 ਰੁਪਏ ‘ਤੇ ਖੁੱਲ੍ਹੀ। ਸ਼ੁੱਕਰਵਾਰ ਨੂੰ MCX ‘ਤੇ ਸੋਨੇ ਦੀ ਕੀਮਤ 40 ਰੁਪਏ ਦੇ ਵਾਧੇ ਨਾਲ 54,561 ਰੁਪਏ ‘ਤੇ ਬੰਦ ਹੋਈ।
ਚੰਡੀਗੜ੍ਹ ‘ਚ ਵੀ ਸੋਨੇ ਦੀ ਕੀਮਤ ‘ਚ ਵਾਧਾ ਹੋਇਆ ਹੈ। ਅੱਜ 1 ਗ੍ਰਾਮ 22 ਕੈਰੇਟ ਸੋਨੇ ਦੀ ਕੀਮਤ 5,010 ਰੁਪਏ ‘ਤੇ ਚੱਲ ਰਿਹਾ ਹੈ। ਕੱਲ 5,000 ਰੁਪਏ ਸੀ। 8 ਗ੍ਰਾਮ ਸੋਨੇ ਦੀ ਕੀਮਤ 40,080 ਰੁਪਏ ਹੈ। ਜੋ ਕੱਲ 40,000 ਰੁਪਏ ਸੀ।ਅੱਜ 1 ਗ੍ਰਾਮ 24 ਕੈਰੇਟ ਸੋਨੇ ਦੀ ਕੀਮਤ 5,463 ਰੁਪਏ ‘ਤੇ ਚੱਲ ਰਹੀ ਹੈ। ਇਕ ਦਿਨ ਪਹਿਲਾਂ ਇਸਦੀ ਕੀਮਤ 5,453 ਰੁਪਏ ਸੀ। ਇਸਦੇ ਨਾਲ ਹੀ 8 ਗ੍ਰਾਮ ਸੋਨੇ ਦੀ ਕੀਮਤ 43,704 ਰੁਪਏ ਹੈ। ਜੋ ਕੀ ਕੱਲ੍ਹ 43,624 ਰੁਪਏ ਸੀ।ਜਾਣਕਾਰੀ ਲਈ ਦੱਸ ਦੇਈਏ ਕਿ ਚੰਡੀਗੜ੍ਹ ‘ਚ ਚਾਂਦੀ ਦੀਆਂ ਕੀਮਤਾਂ ‘ਚ ਕੋਈ ਫਰਕ ਨਹੀਂ। ਭਾਰਤੀ ਬਾਜ਼ਾਰ ‘ਚ 1 ਗ੍ਰਾਮ ਚਾਂਦੀ ਦੀ ਕੀਮਤ 71.10 ਰੁਪਏ ਹੈ। ਜੋ ਕਿ ਕੱਲ੍ਹ ਵੀ 70.10 ਰੁਪਏ ਹੀ ਸੀ। ਇਸਦੇ ਨਾਲ ਹੀ 10 ਗ੍ਰਾਮ ਚਾਂਦੀ ਦੀ ਕੀਮਤ 711 ਰੁਪਏ ‘ਤੇ ਚੱਲ ਰਹੀ ਹੈ।
ਮਲਟੀ ਕਮੋਡਿਟੀ ਐਕਸਚੇਂਜ (MCX) ‘ਤੇ ਅੱਜ ਚਾਂਦੀ ‘ਚ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਚਾਂਦੀ ਦੀ ਕੀਮਤ ਅੱਜ ਪਿਛਲੀ ਬੰਦ ਕੀਮਤ ਤੋਂ 51 ਰੁਪਏ ਵਧ ਕੇ 69,084 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਈ ਹੈ। ਚਾਂਦੀ ਦਾ ਰੇਟ ਅੱਜ 69,2201 ਰੁਪਏ ‘ਤੇ ਖੁੱਲ੍ਹਿਆ। ਇਸ ਦੀ ਕੀਮਤ ਇਕ ਵਾਰ 68,219 ਰੁਪਏ ਹੋ ਗਈ ਸੀ। ਪਿਛਲੇ ਕਾਰੋਬਾਰੀ ਸੈਸ਼ਨ ‘ਚ MCX ‘ਤੇ ਚਾਂਦੀ ਦੀ ਕੀਮਤ 501 ਰੁਪਏ ਚੜ੍ਹ ਕੇ 69,021 ‘ਤੇ ਬੰਦ ਹੋਈ।
ਅੱਜ ਕੌਮਾਂਤਰੀ ਬਾਜ਼ਾਰ ‘ਚ ਸੋਨੇ-ਚਾਂਦੀ ਦੀਆਂ ਕੀਮਤਾਂ ‘ਚ ਮਿਲਿਆ-ਜੁਲਿਆ ਰੁਝਾਨ ਦੇਖਣ ਨੂੰ ਮਿਲ ਰਿਹਾ ਹੈ। ਸੋਨੇ ਦੀ ਹਾਜ਼ਿਰ ਕੀਮਤ ਅੱਜ 0.49 ਫੀਸਦੀ ਵਧ ਕੇ 1,807.31 ਡਾਲਰ ਪ੍ਰਤੀ ਔਂਸ ਹੋ ਗਈ। ਇਸ ਦੇ ਨਾਲ ਹੀ ਕੌਮਾਂਤਰੀ ਬਾਜ਼ਾਰ ‘ਚ ਚਾਂਦੀ ਦੀ ਕੀਮਤ (ਸਿਲਵਰ ਪ੍ਰਾਈਸ) ਅੱਜ 0.01 ਫੀਸਦੀ ਡਿੱਗ ਕੇ 23.74 ਡਾਲਰ ਪ੍ਰਤੀ ਔਂਸ ‘ਤੇ ਕਾਰੋਬਾਰ ਕਰ ਰਹੀ ਹੈ।
ਪਿਛਲੇ ਹਫਤੇ ਭਾਰਤੀ ਸਰਾਫਾ ਬਾਜ਼ਾਰ ‘ਚ ਸੋਨੇ ਦੀਆਂ ਕੀਮਤਾਂ ‘ਚ ਤੇਜ਼ੀ ਆਈ ਅਤੇ ਚਾਂਦੀ ਵੀ ਮਹਿੰਗੀ ਹੋ ਗਈ। ਇੰਡੀਅਨ ਬੁਲੀਅਨ ਐਂਡ ਜਵੈਲਰਜ਼ ਐਸੋਸੀਏਸ਼ਨ ਯਾਨੀ IBJA ਦੀ ਵੈੱਬਸਾਈਟ ਮੁਤਾਬਕ ਪਿਛਲੇ ਕਾਰੋਬਾਰੀ ਹਫਤੇ (19 ਦਸੰਬਰ ਤੋਂ 23 ਦਸੰਬਰ) ਦੀ ਸ਼ੁਰੂਆਤ ‘ਚ 24 ਕੈਰੇਟ ਸੋਨੇ ਦਾ ਭਾਅ 54,248 ਸੀ, ਜੋ ਸ਼ੁੱਕਰਵਾਰ ਤੱਕ ਵਧ ਕੇ 54,366 ਰੁਪਏ ਪ੍ਰਤੀ 10 ਗ੍ਰਾਮ ਹੋ ਗਿਆ। . ਇਸ ਦੇ ਨਾਲ ਹੀ 999 ਸ਼ੁੱਧਤਾ ਵਾਲੀ ਚਾਂਦੀ ਦੀ ਕੀਮਤ 66,898 ਰੁਪਏ ਤੋਂ ਵਧ ਕੇ 67,822 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਈ।
